ბაქო, აგვისტო 2024 – სტუდენტური ფასდაკლებების წამყვანი პლატფორმა StudentHunt ოფიციალურად შედის აზერბაიჯანის ბაზარზე, რაც სტარტაპისთვის პირველი საერთაშორისო გაფართოებაა. პლატფორმა, მიზნად ისახავს სტუდენტური ცხოვრების გაუმჯობესებას, რაც გულისხმობს ექსკლუზიური ფასდაკლებების, სამუშაო შესაძლებლობებისა და კარიერული მხარდაჭერის უზრუნველყოფას.
სტარტაპის აზერბაიჯანის ბაზარზე შესვლის ერთ-ერთი გადამწყვეტი მოვლენა იყო Baku ID-ზე, რეგიონის უმსხვილეს საინვესტიციო სამიტზე, დამფუძნებლების სანდრო კანდელაკის და გოგა საათაშვილის მონაწილეობა, სადაც მათ აზერბაიჯანული ბაზრის ლიდერებთან დაამყარეს კონტაქტები და წარმატებული თანამშრომლობა დაიწყეს.
აღსანიშნავია, რომ StudentHunt უკვე 1 წელზე მეტია თანამშრომლობს აზერბაიჯანის უმსხვილეს კომპანიასთან, SOCAR-თან, რომელიც სტუდენტებს ექსკლუზიურ შეთავაზებებს აწვდის.მოცემული პარტნიორობა StudentHunt-ს შესაძლებლობას აძლევს, ბაზარზე უკვე არსებული მომხმარებლებითა და სანდო ურთიერთობებით შევიდეს.
აზერბაიჯანი მხოლოდ პირველი ნაბიჯია სტუდენტური სუპერ-აპის შექმნის გზაზე. პლატფორმას უკვე დაემატება ვაკანსიები, ღონისძიებები და სხვა სტუდენტური სერვისები, რაც კიდევ უფრო გააძლიერებს მის პოზიციას რეგიონში.
StudentHunt აგრძელებს თავისი მისიის შესრულებას – სტუდენტებისთვის ხელმისაწვდომი ფასდაკლებებისა და შესაძლებლობების შექმნას. აზერბაიჯანის ბაზარზე შესვლა კი კიდევ ერთი დიდი ნაბიჯია მისი საერთაშორისო წარმატებისკენ.
აქვე აღსანიშნავია, რომ სტუდენტჰანთის განახლებაში დაემატა სტუდენტური ბარათი ( ID ) რომლის გამოყენებასაც სტუდენტები ევროპის ქვეყნებში ფასდაკლების მისაღებად შეძლებენ.
