ხელოვნური ინტელექტი (Artificial Intelligence, AI) და მისი კონცეფცია აღწერილი იყო ჯერ კიდევ უძველესი ცივილიზაციების მითოლოგიაში, მაგრამ ხელოვნური ინტელექტი იმ ფორმით რა ფორმითაც დღეს ვიცით, მე-20 საუკუნის შუა ხანებში დაიწყო.
ბრიტანელი მათემატიკოსს, ალან ტიურინგს AI-ის პიონერად მიიჩნევენ. მისმა ნამუშევრებმა 1940-იან და 50-იან წლებში, განსაკუთრებით კი 1950 წლის ნაშრომმა “გამოთვლითი მანქანები და ინტელექტი”, სადაც მან აღწერა “ტურინგის ტესტი”, საფუძველი ჩაუყარა მანქანების ადამიანის ინტელექტის მიბაძვის შესაძლებლობას.
ტერმინი “ხელოვნური ინტელექტი” ოფიციალურად იქნა შემოღებული 1956 წელს დარტმუთის კონფერენციაზე, სადაც მეცნიერთა ჯგუფი შეიკრიბა, რათა განეხილათ მანქანების პოტენციალი ადამიანის ინტელექტის სიმულაციისთვის.
თუმცა, 21-ე საუკუნემდე ხელოვნურმა ინტელექტმა ვერ შეძლო თავისი პოტენციალის ჭეშმარიტად გამოვლინება, რაც გამოწვეული იყო დაფინანსების სიმცირით და საერთო დამოკიდებულებით მისი პერსპექტივების შესახებ, თუმცა გამოთვლითი სიმძლავრის ექსპონენციალური ზრდის და მანქანური სწავლების ალგორითმების პოპულარიზაციის წყალობით ხელოვნურ ინტელექტზე ინტერესი სწრაფად გაიზარდა.
ხელოვნური ინტელექტი ბიზნესში
AI-ს როლი ბიზნეს სამყაროში ფენომენალურად იზრდება. მან შეაღწია სხვადასხვა სექტორში, მათ შორის წარმოებაში, ჯანდაცვაში, ფინანსებსა და საცალო ვაჭრობაში, გარდაქმნა ბიზნეს მოდელები და პროცესები.
მომსახურების სფეროში, ხელოვნური ინტელექტის მქონე ჩეთბოტები ამუშავებენ მომხმარებელთა შეკითხვებს, უზრუნველყოფენ საჩივრებს 24/7 – ზე და მომხმარებლებს სთავაზობენ ჯავშნებისა და საჩივრებს სწრაფ მომსახურებას.
მარკეტინგის სფეროში, ხელოვნური ინტელექტი ბიზნესს ეხმარება გაიგოს მომხმარებელთა ქცევა, იწინასწარმეტყველოს ბაზრის ტენდენციები და მოახდინოს რეკლამის პერსონალიზირება მომხმარებლის განსხვავებული ჯგუფებისთვის.
AI ასევე ახდენს რევოლუციას მიწოდების ჯაჭვის მენეჯმენტში და მარაგების ეფექტურ მართვაში. პროგნოზირებადი ანალიტიკა საშუალებას აძლევს ბიზნესს, მოახდინოს მოთხოვნის პროგნოზირება და შესაბამისად შეამციროს შენახვის ხარჯები.
მცირე და საშუალო ბიზნეს წარმომადგენლებს (SMEs) შეუძლიათ მიიღონ მნიშვნელოვანი სარგებელი ხელოვნური ინტელექტის გამოყენებით. მცირე და საშუალო საწარმოები ხშირად მუშაობენ შეზღუდული რესურსებით და განმეორებადი ამოცანების ავტომატიზაცია, რომელიც ხელოვნური ინტელექტის დახმარებით შეუძლიათ შეასრულონ, დაეხმარება მათ დაზოგონ დრო და ხარჯები.
AI-ს შეუძლია გააუმჯობესოს მცირე და საშუალო ბიზნესის ეფექტურობა სხვადასხვა გზით. მაგალითად, მას შეუძლია ავტომატიზირება გაუწიოს ადმინისტრაციულ ამოცანებს, როგორიცაა ინვოისის შედგენა და ხელფასები. მას ასევე შეუძლია დაეხმაროს მომხმარებლის გამოცდილების გაუმჯობესებაში პერსონალიზებული რეკომენდაციების მიწოდებით ან მომხმარებელთა შეკითხვებზე სწრაფი პასუხებით, უფრო მეტიც, მანქანური სწავლების დახმარებით, მცირე და საშუალო ბიზნესს შესაძლებლობა აქვს, მიიღოს მონაცემებზე დაფუძნებული გადაწყვეტილებები, გააუმჯობესოს თავიანთი პროდუქტები ან სერვისები და გამოავლინოს ახალი შესაძლებლობები.
AI SaaS კომპანიები მცირე და საშუალო ბიზნესისთვის
ასევე გაეცანით ჩვენს სტატიას როგორ ცვლის SaaS-ი მცირე და საშუალო ბიზნესს
Salesforce Einstein: ხელოვნური ინტელექტით აღჭურვილი CRM პლატფორმა, რომელიც მცირე და საშუალო ბიზნესს საშუალებას აძლევს წინასწარ განსაზღვრონ გაყიდვების შედეგები, ავტომატიზირება გაუკეთონ სამუშაო ნაკადებს და მოახდინონ მომხმარებლის გამოცდილების პერსონალიზაცია.
Zoho Zia: Zia არის AI ასისტენტი, რომელიც ეხმარება ბიზნესებს მომხმარებელთა მომსახურების ავტომატიზირებაში. მას ასევე შეუძლია ხელი შეუწყოს დოკუმენტების ანალიზს და წინასწარ განსაზღვროს მომხმარებელთა ქცევა.
HubSpot: მიუხედავად იმისა, რომ HubSpot ცნობილია თავისი მარკეტინგის, გაყიდვებისა და სერვისის პროგრამული უზრუნველყოფით, ის ასევე გვთავაზობს საინტერესო AI ფუნქციებს, ისეთებს როგორიცაა ჩატბოტები, მომხმარებლების ქცევის პროგნოზირება, სქორინგი და მანქანური სწავლება.
Storiai – ქართული პლატფორმა თქვენი ბრენდის სამართავად და მასზე მორგებული კონტენტის შესაქმნელად. ხელოვნური ინტელექტის დახმარებით პლატფორმა ქმნის უნიკალურ ბრენდის იდენტობას თქვენი ბიზნესისთვის, რომელიც მორგებულია თქვენს მიზნებზე, განსაზღვრავს არქეტიპს, ტონს, ხაზს და ფერებს.
Calen.AI – პირველი ქართულენოვანი ხმოვანი და ჩატ ასისტენტი, რომელიც ეხმარება ბიზნესებს მომხმარებლის სერვისის ავტომატიზაციაში ხელოვნური ინტელექტის გამოყენებით
ხელოვნური ინტელექტის განვითარება საინტერესო შესაძლებლობებს უქმნის მცირე და საშუალო ბიზნესს, სთავაზობს მათ ისეთ შესაძლებლობებს, რომლებიც ოდესღაც მიუწვდომელი იყო.
მოგეწონა სტატია? გამოიწერე ჩვენი Facebook გვერდი და პირველი გაეცანი საინტერესო სიახლეებს
